នាព្រឹកថ្ងៃទី ០៦ ខែ កញ្ញា ឆ្នាំ ២០២២ ឯកឧត្តម ហ៊ុន ម៉ានី តំណាងរាស្រ្តមណ្ឌលកំពង់ស្ពឺ បានអញ្ជើញចូលរួមក្នុងកម្មពិធីសម្ពោធដាក់ឲ្យប្រើប្រាស់កីឡដ្ឋានខេត្តកំពង់ស្ពឺ ក្រោមអធិបតីភាពឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរោបនីយកម្ម និងសំណង់ តំណាងដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅកីឡដ្ឋានខេត្តកំពង់ស្ពឺ ភូមិតាមុល ស្រុកច្បារមន ខេត្តកំពង់ស្ពឺ ។
កម្មវិធីនេះមានការចូលរួមពីសំណាក់ ឯកឧត្តម លោកជំទាវ សមាជិកព្រឹទ្ធសភា រដ្ឋសភា រាជរដ្ឋាភិបាល ថ្នាក់ដឹកនាំខេត្ត ក្រុមប្រឹក្សា គណៈអភិបាល មន្ទីរ អង្គភាពជុំវិញខេត្ត មន្រ្តីរាជការ អ្នកមុខអ្នកការ សិស្សានុសិស្ស សរុប ២០២៣ នាក់ ។